Casteddu Sardu
Tzentru antigu e de bellesa manna de sa Sardigna de su cabu de subra, Casteddu Sardu est unu de sos esempios pius ispantos de burgu medievale. Bene tentu e cun s’istruttura sua indata, sas carreleddas chi pigant in su montiju, fintzas a su cùccuru, inue b’est su casteddu.
Su numene naschet a sa meidade de su de 18 seculos, in giambu de su Casteddu Aragonesu chi l’aiant postu sos conchistadores ispagnolos chi si nde fint fattos padronos de s’isula.
Ma est naschidu innanti meda de tando: infattis sa familia genovesa de sos Doria, chi aiat podère meda, l’at fundada guasi 1000 annos faghet e l’ant postu Castelgenovese.
Chena mancare: su tzentru istoricu est sa parte pius interessante e caratterìstica de totta sa bidda. S’ala pius antiga at infattis tottu sos palattos de primmu sincheros, finas puru sas chejas maravizosas e su casteddu istrordinariu, fraigadu propiu in cuccuru de su montiju da inue si potet bider unu trettu mannu de sa costa.
Abbaidendelu dae calesisiat parte, su casteddu at sempre sa matessi bellesa dae annos meda, fattende torrare a issegus, sos chi lu visitant, a sos tempos chi sos padronos antigos l’impreaiant comente domo e tzentru de cumandu.
Sos muros fortes e russos meda rendiant cust’opera istraordinaria de s’inzegnu umanu unu logu chi no si podiat bìncher: sas architetturas attrividas ant isfruttadu finas sos costones de rocca de su montiju fattendebei puru sos balcones.
Oe in sa bastia de Casteddu Sardu s’agattat su museu de s’Intreccio, dedicadu a tottu cussu chi sas manos sabias de sos mastros de Sardigna ant imparadu a fagher trobojende ebia sos ratos chi sa terra lis daiat.
Si detzididet de benner a Casteddu Sardu no fettedas de mancare de visitare custa meraviglia, est s’occasione po poder bider, umpare a sos trabaglios interessantes, finas su casteddu e de si poder gosare dae su cuccuru s’ispettaculu chi sa natura at creadu po sa costa de su cabu de susu de cust’isula.
